Nyarita hareupeun balarea kalawan aya tujuan atawa maksud nu tangtu, disebut..

Nyarita hareupeun balarea kalawan aya tujuan atawa maksud nu tangtu, disebut biantara. Biantara dina basa Indonesia sarua hartina jeung pidato. Naskah biantara biasana disusun sacara merenah jeung rapih. Ditilik tina suasanana, aya dua rupa biantara, nyaeta biantara resmi jeung biantara teu resmi.

Komunikasi nu aya dina biantara nyaeta komunikasi saarah atawa monologis. Biantara biasana direspon ku anu ngaregepkeun nyaeta ngan saukur ku unggeuk, godeg, seuri atawa keprok. Sanajan biantara teh komunikasina saarah, dina biantara teu resmi kadang sok aya oge komunikasi dua arah antara anu nepikeun biantara jeung anu ngaregepkeun biantara, tapi tetep sacara definisi komunikasi nu aya dina biantara nyaeta saarah atawa monologis.  

Pembahasan

Sangkan biantara bisa ditepikeun sacara merenah, anu nepikeun biantara kudu ngestokeun hiji panduan anu disebut TAMAN. TAMAN nyaeta singgetan tina unsur-unsur Tatag nyaritana, Aktual temana, Munel eusina, Alus basana, Ngandung wirahhma. Di handap ieu dijentrekeun kumaha ngestokeun unsur TAMAN nu aya dina hiji biantara teh:  

1. Tatag nyaritana, hartina nyaeta yen dina nyarita teh henteu karagok atawa henteu ngarandeg.
2. Aktual temana, hartina nyaeta ulah nepikeun biantara anu temana geus basi.
3. Munel eusina, hartina nyaeta biantara anu ditepikeun teh kudu loba mangpaatna atawa loba pulungeunana.
4. Alus basana, nyaeta saperti ngagunakeun mamanis basa.
5. Ngandung wirahma, nyaeta omonganana teh kudu diatur gancang launna, tarik alonna, atawa luhur handapna atawa anu sok disebut lentong.

Pelajari lebih lanjut

• Nu kudu dipikanyaho samemeh nulis biantara https://brainly.co.id/tugas/11711758
• Cara nepikeun biantara dina basa Sunda brainly.co.id/tugas/6508865
• Hal-hal anu kudu diperhatikeun dina biantara brainly.co.id/tugas/4565331

__________

Detil Jawaban

Kelas : X

Mapel : Bahasa Sunda - Biantara

Bab : 1

Kode : 10.13.1

Kata Kunci : Biantara